Eskola
Ezagutu Dominizubiri bizia ematen dioten pertsonak
2004tik, erritmo propioa duen historia
Zigoitiko herritar talde batek musika-proiektu txiki bat abiatu zuen, neska-mutikoentzako taldeko klaseekin. Grina zen motorra, eta pianoa, lehen instrumentua.
Proiektua hazi egin zen, eta 2008an elkartea formalki sortu zen. Ordutik, hainbat Zuzendaritza Batzordek hartu dute kudeaketa, udalaren etengabeko laguntzarekin.
Eskaintza, ikasleak, irakasleak eta konpromisoa handituz joan gara. 2016tik lankidetza-hitzarmena dugu Zigoitiko Udalarekin, gure herrian musika-irakaskuntzak instalazio berrituetan emateko.
Gaur egun, Dominizubi proiektu hezitzaile, sozial eta kulturala da udalerriarentzat: gune inklusibo, parte-hartzaile eta sortzailea, herriaren arimaren parte dena.
Bazkideek kudeatzen duten eskola
Boluntarioz osatutako zuzendaritza-batzorde batek kudeatzen duen elkartea gara, irakasle-talde batekin eta administrazio-lanetarako pertsona batekin. Erabaki garrantzitsuenak bazkideen batzarrean hartzen dira.
Elkarteak irakasleak kontratatzen ditu, ikasleen beharrei erantzuten die eta musika Zigoitiko kaleetara ateratzen du. Bazkide bakoitzak hitza eta botoa ditu batzarrean, eta zuzendaritza-batzordeko kide izan daiteke.
beste edizio batzuetakoak
